काठमाडौं, १२ असोज । पछिल्लो २४ घण्टामा १ सहजार १ सय ५८ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार सोही अवधिमा १२ जना कोरोना संक्रमितको मृत्यु भएको छ ।

मन्त्रालयका अनुसार पछिल्लो २४ घण्टामा १४ हजार ३ जनाको नमुना परीक्षण गरिएको थियो । त्यसमध्ये ११ हजार ६ सय ७२ जनाको पीसीआर र २ हजार ३ सय ३१ जनाको एन्टीजेन विधिबाट परीक्षण गरिएको थियो ।

त्यस्तै १ हजार ३ सय १८ जना कोरोना भाइरसको संक्रमण मुक्त भई डिस्चार्ज भएका छन् । हाल १८ हजार ४ सय २२ जना सक्रिय संक्रमित रहेको मन्त्रालयले जानकारी दिएको छ ।

अहिले ३ सय ६४ जनाको सघन उपचार कक्षमा र १ सय २० जनाको भेन्टिलेटरमा उपचार भइरहेको जनाइएको छ ।

त्यस्तै १७ हजार १ सय २५ जना होम आइसोलेसन र १ हजार २ सय ९७ जना संस्थागत आइसोलेसनमा रहेको मन्त्रालयले जनाएको छ । ३ सय २८ जना क्वारिन्टिनमा छन् ।