विराटनगर, २० साउन । बीपी कोइराला स्वास्थ्य विज्ञान प्रतिष्ठान र संयुक्त संघर्ष समितिबीच सहमति भएको छ । सहमतिसँगै आन्दोलनकारीले स्वास्थ्य सेवा ठप्प पार्ने कार्यक्रम स्थगित गरेका छन् ।

सरकारी वार्ता टोली र संघर्ष समितिबीच छ बुँदे सहमति भएको हो । सहमतिमा बीपी प्रतिष्ठानको ऐनअनुसार चारै जना पदाधिकारीलाई पदबाट हटाउन सकिने व्यवस्थामा उल्लेखित प्रक्रिया आजैबाट सुरु गरिने उल्लेख छ ।

वार्ताका लागि सरकारले स्वास्थ्य मन्त्रालयका प्रवक्ता डा. कृष्ण पौडेलको संयोजकत्वमा वार्ता टोली गठन गरेको थियो । एक महिनादेखि उनीहरू आन्दोलनमा थिए ।