विराटनगर, १९ साउन । रोटरी क्लब अफ विराटनगर डाउन टाउनले बृक्षारोपण कार्यक्रमलाई निरन्तरता दिएको छ । क्लबले स्वच्छ वातावरणका लागि सुरु गरेको बृक्षारोपण कार्यक्रम अन्तर्गत दोस्रो चरणमा विभिन्न स्थानमा बृक्षारोपण गरेको हो ।

क्लबले उद्योग प्रतिष्ठान, सार्वजनिक स्थल, शिक्षण संस्थालगायतका स्थानमा बृक्षारोपण कार्यलाई निरन्तरता दिँदै आएको छ ।

क्लबले गत असार ३१ गतेदेखि बृक्षारोपण कार्यलाई अघि बढाएको थियो । पहिलो चरणमा विराटनगरस्थित परम विश्रान्ती स्थल र विभिन्न उद्योगपरिसरमा बृक्षारोपण गरिएको थियो ।

पहिलो चरणमा क्लबका सदस्यहरुको उद्योग पशुपति खाद्य तेल उद्योग प्रा.लि., एसियन विस्कुट एण्ड कन्फेक्सनरी पा.लि., हुलास मोटर्स प्रा.लि लगायतका उद्योग परिसरमासमेत बृक्षारोपण गरिएको क्लबकी अध्यक्ष संचिता जैनले जानकारी दिइन् ।

बृक्षारोपण कार्यक्रममा रोटरी क्लब अफ विराटनगर डाउन टाउनकी अध्यक्ष संचिता जैन, महासचिव अनिता सारडा, सर्भिस प्रोजेक्ट चेयर गिरिजा सारडालगायत क्लबका सदस्यहरुको सहभागिता रहेको थियो ।

त्यसैगरी सोमबार दोस्रो चरणमा क्लबले सहयोग पुर्याउँदै आएका विराटनगरस्थित महेन्द्र रात्री मा. वि, आदर्श मा. वि, बालिका मा. वि र जहदास्थित जनता आधारभुुत विद्यालय तथा रोटरी कम्युनिटी कर्प (आरसिसि) लाई २ सय ५० वटा बिरुवा वितरण गरेको छ । सोमबार रोट्रयाक्ट क्लब अफ नोबेल मेडिकल कलेजलाई पनि वृक्षारोपणका लागि २५ वटा विरुवा वितरण गरिएको क्लबकी अध्यक्ष जैनले जानकारी दिइन् ।

वृक्षारोपण कार्यलाई सफल पार्न वरिष्ठ रोटेरियन बेनीगोपाल मुण्डदाको बिशेष सहयोग रहेको क्लबकी अध्यक्ष जैनले बताईन् । सोमबार रोटरी भवनमा आयोजित एक औपचारिक कार्यक्रमकाबिच क्लबले मुण्दडालाई सम्मान समेत गरेको छ ।