नेपालमा पछिल्लो २४ घण्टामा २ हजार ४२१ जनामा कोरोना संक्रमण देखिएको छ । स्वास्थ्य मन्त्रालयका अनुसार १२ हजार ४ सय १४ जनाको एन्टिजेन र पीसीआर विधिबाट परीक्षण गर्दा सो संख्यामा संक्रमण पुष्टि भएको हो । नेपालमा संक्रमणदर १९.५ प्रतिशत रहेको मन्त्रालयले जनाएको छ ।

आज काठमाडौं उपत्यकामा ४५७ जनामा कोरोना संक्रमण पुष्टि भएको छ । आज काठमाडौंमा ३४६, भक्तपुरमा ५७ र ललितपुरमा ९४ जनामा कोरोना संक्रमण देखिएको छ ।

देशभर ५० हजारभन्दा बढी सक्रिय संक्रमित रहेका छन् । त्यस्तै आज ३ हजार ५५८ जना कोरोना संक्रमणमुक्त भएर डिस्चार्ज भएका छन् ।

यस्तै, आज ८१ जनाको कोरोना संक्रमणबाट निधन भएको पुष्टि भएको छ । मन्त्रालयका अनुसार २४ घण्टाभित्र ५२ जना र यसअघि छुटेको संख्या अद्यावधिक गर्दा थप ८१ जनाको मृत्युको पुष्टि भएको हो ।