सत्तारूढ नेपाल कम्युनिस्ट पार्टी (नेकपा)को स्थायी कमीटिको बैठक सकिएको छ । पार्टी केन्द्रीय कार्यालय धुम्बाराहीमा बसेको बैठक पार्टी अध्यक्ष तथा प्रधानमन्त्री केपी शर्मा ओलीको अनुपस्थितिमै सकिएको हो ।

आजको बैठकमा आफू उपस्थित हुन नसके पनि ओलीले पत्र पठाएका थिए । उनको पत्र पार्टी सचिवालय सदस्य इश्वर पोखरेलले पढेर सुनाएका थिए ।

पत्रमा ओलीले आफ्नो पूर्वमान्यताअनुसार नै प्रचण्डको प्रस्तावमा छलफल गर्न नसकिने भएकाले बैठकमा आउन नसकेको उल्लेख गरेका थिए । आगामी स्थायी कमिटी बैठक २८ मंसिरमा बस्ने नेकपा पार्टी प्रवक्ता नारायणकाजी श्रेष्ठले जानकारी दिए । उनले केन्द्रीय समिति बैठक ५ पुसमा बस्नेसमेत जानकारी दिए । यसअघि केन्द्रीय समिति बैठक २५ मंसिरमा बोलाइएको थियो ।