आज थपिएका संक्रमितसँगै देशभर कुल संक्रमितको संख्या ५० हजार नाघेको छ । आजसम्म ५० हजार ४ सय ६५ जनामा संक्रमण पुष्टि भएको छ । संक्रमण पुष्टि भएकामध्ये १४ हजार ४ सय ४८ सक्रिय संक्रमित रहेका छन् । संस्थागत आइसोलेसनमा ८ हजार १० जना छन् भने ६ हजार ४ सय ३८ जना होम आइसोलेसनमा रहेका छन् ।

पछिल्लो २४ घण्टाको अवधिमा १ हजार ८ सय १८ जना संक्रमित निको भएर घर फर्किएका छन् । अहिलेसम्म निको हुनेको संख्या ३५ हजार ७ सय पुगेको मन्त्रालयको तथ्यांक छ । नेपालमा निको हुनेको दर ७१ प्रतिशत छ ।

पछिल्लो २४ घण्टामा ११ हजार १ सय ४४ जनाको पीसीआर परीक्षण गरिएको र अहिलेसम्म ८ लाख १० हजार ४ सय ८५ जनाको पीसीआर परीक्षण गरिएको मन्त्रालयको तथ्यांक रहेको छ । देशभर ५ हजार ८ सय ६ जना क्वारेन्टाइनमा छन् ।