उनका अनुसार हालसम्म संक्रमणमुक्त हुनेको संख्या १७ हजार ९६४ पुगेको मन्त्रालयले जनाएको छ । नेपालमा कोरोना संक्रमणमुक्त हुने दर ६१ प्रतिशत रहेको मन्त्रालयले जनाएको छ । नेपालमा पछिल्लो २४ घण्टाको अवधिमा काठमाडौं उपत्यकाका २०० जनासहित देशभर थप ७०७ जनामा कोरोना संक्रमण देखिएको छ ।

आज थपिएका संक्रमितसँगै देशभर कुल संक्रमितको संख्या २९ हजार ६४५ पुगेको छ । यीमध्ये ११ हजार ५५५ जना सक्रिय संक्रमित छन् । सक्रिय संक्रमितमध्ये ८ हजार ८३ संस्थागत आइसोलेसनमा रहेका छन् भने ३ हजार ७७२ जना होम आइसोलेसनमा छन् ।

पछिल्लो २४ घण्टाको अवधिमा थप ११ हजार ८३२ जनाको पीसीआर विधिबाट कोरोना परीक्षण गरिएको छ । हालसम्म कुल ५ लाख ६६ हजार २२० जनाको पीसीआर विधिबाट कोरोना परीक्षण गरिएको छ । देशभरका विभिन्न स्थानमा निर्माण गरिएका क्वारेन्टाइनमा रहनेको संख्या ११ हजार ७६८ रहेको मन्त्रालयको तथ्यांक छ ।