विराटनगर, ३२ साउन–विराटनगरकी एक कोरोना संक्रमित महिलाको सुनसरीको धरानस्थित बीपी कोइराला स्वास्थ्य विज्ञान प्रतिष्ठानमा मृत्यु भएको छ । विराटनगर–२ की ५० बर्षीया महिलाको उपचारको क्रममा आईतवार बिहान १ बजेतिर निधन भएको प्रतिष्ठानका प्रवक्ता डा. निदेश सापकोटाले जानकारी दिए ।

अत्यधिक ज्वारो र श्वासप्रश्वासमा समस्या भएपछि न्युरो अस्पताल हुँदै उनलाई शनिबार प्रतिष्ठानमा लगिएको थियो । उनको उपचारको क्रममा निधन भएको हो । मृतक महिलालाई फोक्सो, थाईराइड र मुटुको पनि समस्या रहेको बताईएको छ । मृतकको शवको व्यवस्थापन गर्ने कार्य भईरहेको प्रतिस्ठानले जनाएको छ ।

विराटनगरमा कोरोना संक्रमणबाट मृत्यु हुनेको संख्या ७ पुगेको छ । यस अघि विराटनगर–९ का २ जना, विराटनगर ३, ५, १० र १५ मा १/१ जनाको मृत्यु भइसकेको छ ।