विराटनगर, साउन २९–विराटनगर महानगरपालिकामा गएको २४ घण्टामा ६० जना नयाँ संक्रमित थपिएका छन् । संक्रमितमध्ये ३८ पुरूष र २२ महिला रहेका छन् । बिहीबार महानगरमा अहिलेसम्मकै धेरै संक्रमित थपिएका हुन् ।

विराटनगर महानगरपालिकाका अनुसार संक्रमितमध्ये सबैभन्दा धेरै विराटनगर–९ का रहेका छन् । सो वडामा ५ महिला र ४ जनामा संक्रमण पुष्टि भएको छ । यस्तै विराटनगर १२ मा ८ जना पुरूलाई संक्रमण पुष्टि भएको छ ।

विराटनगर २ मा २ जना, ३ मा ५ जना, ५ मा ४ जना, ६ मा ५ जना, ७ मा २ जना, ८ मा ६ जना, १० मा ४ जना, ११ मा २ जना, १३ मा २ जना, १६ मा १ र १७ मा ४ जनालाई संक्रमण पुष्टि भएको सामाजिक विकास मन्त्रालयले जनाएको जनाएको छ । वडा नखुलेका ५ पुरूष र १ महिला गरि अन्य ६ जना पनि विराटनगरकै छन् ।

विराटनगरमा बिहिबार ६० जना थपिएसँगै महानगरमा संक्रमितको संख्या ४ सय १५ पुगेको छ । संक्रमितमध्ये ६९ जना कोरोनामुक्त भई फर्किएका छन् । कोरानोबाट महानगरभित्रै ५ जनाको मृत्यु भएको छ ।विराटनगरस्थित कोशी अस्पतालका थप एक जना नर्सलाई बिहीबार कारोना संक्रमण पुष्टि भएको छ । अस्पतालको ल्याबमा गराएको कोरोना परीक्षण रिपोट अनुसार एक जना नर्सलाई कोरोना पुष्टि भएको हो । योसँगै अस्पतलामा संक्रमितको संख्या १८ पुगेको कोशी अस्पतालका मेडिकल सुपरिटेन्डेन्ड डा. चुमनलाल दाशले जानकारी दिए ।