बुधबार सुनको मूल्य ह्वात्तै घटेको छ । आज एकै दिन सुनको मूल्य प्रतितोला ६ हजार २ सय रुपैयाँ घटेको हो । मंगलबार १ लाख १ हजार ६ सयमा कारोबार भएको छापावाल सुनको मूल्य आज ९५ हजार ४ सय रुपैयाँ निर्धारण गरिएको नेपाल सुनचाँदी महासंघले जनाएको छ ।

त्यस्तै, हिजो १ लाख १ हजार १ सयमा कारोबार भएको तेजावी सुनको मूल्य आज घटेर ९४ हजार ९ सय रुपैयाँ तोकिएको छ । आज चाँदीको  मूल्यमा पनि गिरावट आएको छ । मंगलबार १ हजार ४ सय ३५ मा कारोबार भएको चाँदी आज १२ सय १० रुपैयाँ निर्धारण गरिएको महासंघले जनाएको छ ।