नेपाल उद्योग वाणिज्य महासंघका उपाध्यक्ष चन्द्रप्रसाद ढकालले जिल्ला तथा नगर उद्योग वाणिज्य संघ, वस्तुगत संघ र एशोसिएटको तर्फबाट २/२ जना कार्यसमिति सदस्य रहेको समिति बनाउने निर्णय भएको बताए । समितिले १५ दिनभित्र साधारणसभाको मिति र मोडालिटी तयार गरी महासंघको पदाधिकारी समितिमा पेश गर्ने छ । पदाधिकारी समिति उक्त सुझावलाई कार्यकारिणी समितिमा पेस गर्ने र सोहीअनुसार नै निर्णय हुने ढकालले बताए ।

मिति र मोडालिटी तयार गर्न गठित समितिले दिएको सुझावका आधारमा कार्यकारिणी समितिले सरकारसँग अनुमतिका लागि पत्राचार गर्नेसमेत ढकालले बताए । २०७६ चैत मसान्तभित्र सम्पन्न गर्नुपर्ने महासंघको वार्षिक साधारणसभा कोभिड १९ को महामारीका कारण अहिलेसम्म हुन सकेको छैन् । जसका कारण कार्यकारिणी समितिको निर्वाचन हुन नसक्दा महासंघले नयाँ नेतृत्व पाउन सकेको छैन् ।