नागरिकका अति आवश्यक मागहरू राखेर अनसनमा बसेका युवाका कुरा नसुन्नु सरकारको अटेरीपन भएको पौडेलले बताए । अनसनरत युवालाई यसअघि नेपाली कांग्रेसका सभापति शेरबहादुर देउवालगायतका नेताले पनि भेटेका छन् । सतप्रतिशत पीसीआर परीक्षण हुनुपर्ने, क्वारेन्टाइनको अवस्था सुधार गर्नुपर्नेलगायतका माग राख्दै आएका अभियन्ताहरूसँग सरकारले २३ असारमा लिखित सहमति गरेको थियो । सहमति कार्यान्वयन नभएपछि उनीहरू फेरि अनसनमा बसेका हुन् ।