पूर्वखेलाडी तथा प्रशिक्षक सिन्धुलीका टीकादत्त दाहालले राखेपसमेतलाई विपक्षी बनाउँदै रिट दायर गरेको रिटमा न्यायाधीश आनन्दमोहन भट्टराईको इजलाशले प्रश्न उठाउँदै कारण देखाउन आदेश दिएको हो ।

८ साउन नै दाहालले सिलवाललाई नियुक्ति गर्न नमिल्ने जिकिरसहित रिट दायर गरेका थिए । उक्त रिटमा भट्टराईको एकल इजलासले मंगलबार लिखित जवाफ १५ दिनभित्र पेश गर्न आदेश गरेको हो ।

सिलवाललाई सोमबारको मन्त्रिपरिषद् बैठकले राखेपको सदस्य सचिवमा पुनः नियुक्त गर्ने निर्णय गरेको थियो । उनी पदमुक्त भएको झन्डै ३ सातापछि सदस्य सचिव पुन: नियुक्त भएका हुन् । सिलवाल यसपटक नयाँ खेलकुद विकास ऐन २०७७ का आधारमा छनोट भएका हुन् ।

यसअघि उनलाई राखेपका अध्यक्षसमेत रहेका युवा तथा खेलकुदमन्त्री जगतबहादुर विश्वकर्माले राखेपको सदस्यमा नियुक्त गरेका थिए । नयाँ नियम लागू भएपछि उनी पदमुक्त भएका थिए ।