काठमाडौं, २ साउन-वीर अस्पतालले दैनिक ५ सयको कोरोना परीक्षण गर्ने भएको छ । ३४ लाखमा नयाँ मेसिन ल्याएपछि वीरले दैनिक ५ सयको परीक्षण गर्ने भएको हो ।

‘नयाँ मेसिन ल्याएका छौँ । अहिले १ सय ५० सम्मको परीक्षण भइरहेको छ,’ अस्पतालका निर्देशक डा. केदार सेञ्चुरीले भने, ‘आइतबारदेखि ५ सयको परीक्षण गर्न सकिन्छ ।’

शुल्क तिरेरभन्दा नतिरी परीक्षण गर्नेको सङ्ख्या धेरै रहेको उनले बताए । ‘शुल्क तिरेर २५ प्रतिशतको परीक्षण गरेका छौँ । अरू शुल्क नतिर्ने हुनुहुन्छ,’ उनले भने ।