दुवै एयरलाइन्सका आगामी १७, १८ र २० जुलाई २०२० का लागि उडान तय भएको भन्दै कतारस्थित नेपाली दूतावासले प्राथमिकता सूचीमा रहेकालाई सम्बन्धित एयरलाइन्समा सम्पर्क गरेर टिकट काट्न अनुरोध गरेको छ ।

दूतावासद्वारा जारी सूचनाअनुसार दूतावासको वेबसाइटमा नेपाल फर्कने फारम भरेरकाहरूलाई नेपाल सरकारले निर्धारण गरेको प्राथमिकताअनुरूप सूची बनाइएको भन्दै सो सूचीमा परेकाहरूलाई फर्किने टिकट काट्न सूचीत गरेको हो ।

नेपाल फर्किन चाहनेहरूको नामावली स्वीकृतिका लागि कतारको गृह मन्त्रालयमा पठाइएको र स्वीकृति प्राप्त नभएका व्यक्तिको हकमा स्वीकृति प्राप्त भएपछि मात्र यात्रा गर्न सकिने दूतावासले जनाएको छ ।

यसैगरी नेपाल एयरलाइन्सको यसअघिका उडानका लागि प्रकाशित सूचीमा नाम भएका तर विविध कारणले टिकट काट्न छुटेका व्यक्ति आगामी उडानका लागि टिकट काट्न सक्ने जनाइएको छ ।

स्वदेश फर्किन चाहनेहरूले कतारले सञ्चालन गरेको Ehteraz App प्रयोग नल्याएमा उडान गर्न नसक्ने भएका कारण सो एप आफ्नो मोबाइलमा डाउनलोड गर्न पनि दूतावासले अनुरोध गरेको छ ।

यसैगरी रोजगारदाताले भागेको भनेर रिपोर्ट गरेका व्यक्तिले एयरलाइन्सबाट आइटीनरीसहितको हवाई टिकट लिएर सर्च एण्ड फलो अप डिपार्टमेण्टमा आफैँ गएर सो हवाई टिकटमा सो डिपार्टमेण्टको छाप लगाई अनिवार्य रूपमा स्वीकृति लिएर मात्र उडान गर्न सकिने पनि दूतावासले स्पष्ट पारेको छ । कतारबाट नेपाल फर्किन ३ सय ९२ अमेरिकी डलर (कतारी रियाल १ हजार ४ सय ३०) तोकिएको छ ।