विराटनगर, असार ३०–प्रदेश १ मा मंगलबार एकै दिन ३८ जना डिस्चार्ज भएका छन् । विराटनगर स्थित कोशी अस्पताल कोभिड १९ उपचार केन्द्रबाट १३ महिला र ६ पुरुष, उदयपुरको चौदण्डिगढी स्थित कोभिड–१९ आईसोलेसन केन्दबाट ६ महिला तथा ७ पुरुष र मोरङको शुन्दरहरैँचा स्थित पूर्वाञ्चल विश्वविद्यालय कोभिड–१९ आईसोलेसन अस्पताल गोठगाउँबा ६ पुरुष डिस्चार्ज भएको प्रदेश १ सामाजिक विकास मन्त्रालयले जनाएको छ ।

डिस्चार्ज हुनेमा मोरङका १६ जना ,उदयपुरका १३, सुनसरीका दुई ,झापाका पाँच, इलाम र पाँचथरका १÷१जना रहेको छन् । मंगलबार डिस्चार्ज भएकासँगै प्रदेश १ मा कोरोना संक्रमण पुष्टि भएर उपचारपश्चात घर फर्किनेको संख्या ६ सय ४२ जना पुगेको छ ।

मन्त्रालयका अनुसार प्रदेश १ मा मंगलबार ६ जनामा कोरोना संक्रमण पुष्टि भएको छ । धनकुटाका तीन, झापा, सुनसरी र तेह्रथुमका १÷१ जनामाकोरोना संक्रमण पुष्टि भएको हो ।

धनुकुटाको छथर जोरपाटीका दुई पुरुष, शहिदभूमीका एक पुरुष, झापाको शिवसताक्षीका एक महिला, सुनसरीको भोक्राहा र ते¥हथुमको म्याङलुङका एक÷एक पुरुषमा कोरोना संक्रमण पुष्टि भएको मन्त्रालयले जनाएको छ । मंगलबार पुष्टि भएका सँगै प्रदेश १ मा कुल कोरोना संक्रमितको संख्या ७ सय ३६ पुगेको छ ।