विराटनगर, असार २५–नेपाल–भारतको विराटनगर–जोगबनी सिमानाका हुँदै हालसम्म ८ हजार बढी ब्यक्तिको आवागमन भएको छ । लकडाउन सुरु भएयता सो सिमा हुँदै ८ हजार ९३ जनाको आवागमन भएको छ ।

सो सिमानाका हुँदै हालसम्म ३ हजार ६५ जना नेपाली स्वदेश फर्किएका छन भने ५ हजार ३८ जना भारतीय आईसिपी क्याम्प हुँदै भारततर्फ गएका छन ।

कोरोना संक्रमणको महामारी फैलिएपछि सिमानाका बन्द गरिएपछि दुवैदेशका नागरिकहरु अलपत्र परेका थिए । दुई देशबीच इच्छुक नागरिकहरुलाई प्रकृया पु¥याएर आवागमन गर्न दिने सहमति भएपछि जेठ १३ यता दुई देशकै नागरिकहरुको आवागमन शुरु भएको हो ।

हालसम्म स्वदेश फर्किएका नेपालीहरुमा २ हजार ४ सय २९ पुरुष र ६ सय ३६ जना महिला रहेका छन । यसैगरि भारत जानेमा ३ हजार ८ सय १२ पुरुष र १ हजार २ सय २६ महिला रहेको जिल्ला प्रहरी कार्यालय मोरङका प्रवक्ता प्रहरी नायव उपरिक्षक मानबहादुर राईले जानकारी दिए ।