काठमाडौं, १० असार -महानगरीय अपराध महाशाको टोलीले हुण्डीकाे कारोबारमा संलग्न रहेको आरोपमा २ जना प्रहरीलाई नियन्त्रणमा लिएको छ । नियन्त्रणमा परेकाहरू सादा पोशाकका प्रहरी रहेको महाशाखाले जनाएको छ ।

अपराध महाशाखा स्रोतका अनुसार पक्राउ पर्ने प्रहरीमा महानगरीय प्रहरी परिसर काठमाडौंमा कार्यरत प्रहरी हवल्दार धिरेन विष्ट र प्रहरी प्रधान कार्यालको २ नम्बर गणमा कार्यरत विक्रम चन्द छन् ।

चन्द यसअघि परिसरकै घुमुवा प्रहरी थिए । महाशाखाका अनुसार उनीहरूले हुण्डी कारोबारीसँग रकम लिने गरेको खुलेको छ । दुवै जनामाथि थप अनुसन्धान भइरहेको प्रहरीले जनाएको छ ।