काठमाडौं, जेठ १७-नेपालमा थप १ सय ८९ जनामा कोरोना भाइरस (कोभिड-१९) को संक्रमण पुष्टि भएको छ । स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता डा. विकास देवकोटाले नेपालमा थप १ सय ८५ जना पुरुष र ४ जना महिलामा कोरोना भाइरस संक्रमण देखिएको पुष्टि गरेका हुन् ।

उनका अनुसार राष्ट्रिय जनस्वास्थ्य प्रयोगशाला काठमाडौंमा गरिएको परीक्षणमा थप १ सय २४ जनाको पोजेटिभ आएको छ । २० देखि ४२ वर्षका धनुषाका ७ जना, झापाका १ जना ४५ वर्षीय पुरुष, कपिलवस्तुका १६ देखि ६० वर्ष उमेरका ७७ जना, पाटनकी १ जना २३ वर्षीया महिला, महोत्तरीका ४ जना २५ देखि ५५ वर्षका पुरुष, रौतहटका ६ जना १८ देखि ४५ वर्षीय पुरुष, सर्लाहीका १७ जना १६ देखि ४० वर्षीय पुरुष र सिरहाका ११ जना १७ देखि ४० वर्षीय पुरुष रहेका छन् ।

प्रदेशिक जनस्वास्थ्य प्रयोगशाला रुपन्देहीमा गरिएको परीक्षणमा ३६ जनाको पोजेटिभ आएको छ । उनीहरू कपिलवस्तुका २९ जना १५ देखि ५० वर्षीय पुरुषहरू रहेका छन् । बीपी कोइराला स्वास्थ्य विज्ञान प्रतिष्ठानको प्रयोगशालामा गरिएको परीक्षणमा थप ९ जनामा कोरोना संक्रमण पुष्टि भएको छ । उनीहरू सप्तरीका १८ देखि २८ जना रहेका छन् ।

राप्ती स्वास्थ्य विज्ञान प्रतिष्ठानमा गरिएको परीक्षणमा ८ जना संक्रमण पुष्टि भएको छ । कपिलवस्तुका ३ जना २६ देखि ५२ वर्षीय पुरुषहरू रहेका छन् । दाङका ५ जना रहेका छन् ।

नारायणी अस्पतालमा गरिएको परीक्षणमा ३ जनामा पोजेटिभ आएको छ । बाराका १ जना पर्साका २ जना रहेक छन् । कर्णाली स्वास्थ्य विज्ञान प्रतिष्ठानमा १४ जनामा पोजेटिभ देखिएको छ । उनीहरू सबै दैलेखका हुन् ।

विराटनगरको कोसी अस्पतालको प्रयोगशालमा गरिएको परीक्षणमा थप २ जनामा पोजेटिभ आएको छ । दुवै संखुवासाभाका हुन् । योसँगै नेपालमा कुल संक्रमितको १ हजार ४ सय १ पुगेको छ । १ हजार २ सय ८८ जना पुरुष र १ सय १३ जना महिला रहेका छन् ।

आज डिस्चार्ज हुनेको संख्या १३ रहेको स्वास्थ्य मन्त्रालयका प्रवक्ता देवकोटाले बताए । उनका अनुसार टेकु अस्पतालबाट २ जना डिस्चार्ज भएका छन् । बलम्बुको कोभिड-१९ युनिफाइड अस्पतालबाट ११ जना पनि आजै डिस्चार्ज भएका छन् । डिस्चार्जको हुनेको संख्या २ सय १९ पुगेको छ ।

स्वास्थ्य मन्त्रालयको पछिल्लो विवरणअनुसार नेपालमा पीसीआर विधिबाट हालसम्म ६६ हजार ७ सय २९ नमुनाको परीक्षण गरिएको छ । त्यसैगरी १ लाख ७ हजार ५५ जनाको आरडीटी विधिबाट परीक्षण गरिएको छ । २४ घण्टाको अवधिमा पीसीआर विधिबाट २ हजार ५ सय ७५ नमुनाको परीक्षण गरिएको छ । १ हजार ५ सय ७७ आरडीटी विधिबाट परीक्षण गरिएको स्वास्थ्य मन्त्रालयले जनाएको छ ।

हालसम्म १ लाख १० हजार ७८ जना देशका विभिन्न स्थानामा रहेका क्वारेन्टाइमा रहेका छन् । सम्भावति संक्रमित र संक्रमित गरी १ हजार १ सय ७६ जना आइसोलेसनमा रहेको स्वास्थ्य मन्त्रालयले जनाएको छ ।