मस्को, जेठ १४–विश्वमा कोरोना संक्रमितको संख्या ५७ लाख १५ हजार नाघेको छ । वल्र्डोमिटरको तथ्यांक अनुसार बुधबार साँझ ७ बजे सम्ममा कोरोना संक्रमितको संख्या ५७ लाख १५ हजार १ सय १७ पुगेको हो । जस मध्ये ३ लाख ५२ हजार ९ सय २ जनाको ज्यान गएको छ । २४ लाख ५४ हजार ८ सय २२ जना निको भएर घर फर्किएका छन् ।

त्यस्तै २९ लाख ७ हजार ३ सय ९३ जना सक्रिय संक्रमित रहेका छन् भने ५३ हजार ४८ जनाको चिन्ताजनक अवस्थामा उपचार भइरहेको जनाइएको छ ।

रुसमा मात्र बुधबारसम्मा कोरोना संक्रमितको संख्या ३ लाख ७० हजार ६ सय ८० पुगेको छ । जसमध्ये ३ हजार ९ सय ६८ जनाको कोरोना संक्रमणका कारण ज्यान गएको छ । १ लाख ४२ हजार २ सय ८ जनाले कोरोनालाई जितेर घर फर्किएका छन् । २ लाख २४ हजार ५ सय ४ जना सक्रिय संक्रमित रहेका छन् ।

नेपालमा हाल सम्म ८ सय ८६ जनामा कोरोना संक्रमण पुष्टि भएकोमा ४ जनाको मृत्यु भएको छ । १ सय ८३ जनाले कोरोनालाइृ जितेर घर फर्किएका छन भने ६ सय ९९ जनाको उपचार भइरहेको छ ।