काठमाडौं, १ जेठ-शुक्रराज ट्रपिकल तथा सरुवा रोग अस्पताल टेकुमा कोरोना भाइरस परीक्षण गर्न जानेको संख्या झनै बढेको छ ।  लकडाउन खुकुलो र लुकिछिपी बाहिर जिल्लाबाट काठमाडौं आएपछि परीक्षण गर्नेको संख्या बढेको हो । बुधबार ५ सयभन्दा बढी परीक्षणका लागि टेकु पुगेका थिए । टेकु अस्पतालमा आज झनै भीड बढेको छ ।  ‘हिजोभन्दा आज झनै भीड बडेको छ,’ अस्पतलाका प्रवक्ता डा. अनुप बाँस्तोलाले भने, ‘व्यवस्थित बनाउन खोजेको हो, सकिएन ।’

भोलिदेखि आवश्यकता हेरेर परीक्षण गरिने उनले बताए । ‘परीक्षणमा आउनेको संख्या बढिरहेको छ’, उनले भने, ‘भोलिदेखि आवश्यकता र अनावश्यकता हेरेर परीक्षण गर्छौं ।’