कैलाली, २६ वैशाख-कैलालीको धनगढी स्थित सेती प्रादेशिक अस्पताल कोरोनामुक्त भएको छ । आज निको हुन बाँकी रहेका १ महिला डिस्चार्ज भएसँगै सेती अस्पताल कोरोनामुक्त भएको हो ।

शुक्रबार अस्पतालमा उपचाररत धनगढी उपमहानगरपालिका ३४ वर्षीया महिला आज निको भएर अस्पतालबाट डिस्चार्ज भइन् ।अहिले अस्पतालको आइसोलेसनमा पनि कोही शंकास्पद बिरामी नरहेको कोरोना उपचार विभाग प्रमुख डा. शेरबहादुर कमरले बताए । आज डिस्चार्ज भएर घर पर्किएकी महिलाको ८ पटकसम्म नमुना परीक्षण गरिएको थियो । उनले ३४ दिन अस्पताल बसेर कोरोनालाई जितेकी हुन् ।