काठमाडौं, २२ वैशाख-झण्डै डेढ महिना लामो बन्दाबन्दीको कारण जनवीवन प्रभावित भएपछि बन्दाबन्दीको मोडालिटी परिवर्तनका विषयमा सरकारले छलफल सुरु गरेको छ । सोमबार कोरोना रोकथाम तथा उच्चस्तरीय समन्वयन समितिले विज्ञहरूसँग राय मागेको छ ।

उपप्रधानमन्त्री तथा रक्षामन्त्री ईश्‍वर पोखरेलको संयोजकत्वमा रहेको समितिले जनस्वास्थ्य विज्ञहरू र अन्य डाक्टहरूलाई बोलाएर छलफल सुरु गरेको समितिका सदस्य तथा संस्कृति पर्यटन तथा नागरिक उड्यन मन्त्री योगेश भट्टराईले जानकारी गराए । दिउँसो २ बजेबाट प्रधानमन्त्री तथा मन्त्रिपरिषद् कार्यलयमा छलफल राखिएको छ ।

छलफलमा विदेशमा अन्य देशमा चालिएको कदम र नेपालको अवस्थाका सवालमा विज्ञहरूसँग जानकारी लिइने कार्यक्रम रहेको छ । यसअघि पनि सरकारले मोडालिटी परिवर्तन गर्ने तयारी गरेपनि अझै निष्कर्षमा पुग्न सकेको छैन ।

यसअघि मुख्यसचिव लोकदर्शन रेग्मीको संयोजकत्पवमा समेत मोडालीटी तयार गर्नको लागि समिति बनाएको थियो । नेपालमा कोरोना संक्रमितको संख्या निरन्तर बढ्दै गएको अवस्थामा आगानमी दिनमा संक्रमण फैलन रोक्न गरी कसरि जनजीवन सहजीकरण गर्न सकिन्छ भन्ने विषयमा छलफल गर्न थालिएको हो ।