जनकपुर, १८ वैशाख-मिथिला बमकाण्डमा मारिएका शहिदको स्मरणमा जनकपुरसहित प्रदेश–२ को विभिन्न स्थानमा आज बलिदानी दिवस मनाइँदै छ । बलिदानी दिवसको अवसरमा मिथिला राज्य स्थापनाको माग गरिएको छ ।

मिथिला राज्यको माग गर्दै १८ वैशाख २०६५ मा जनकपुरधामको रामानन्द चोकमा भइरहेको शान्तिपूर्ण धर्ना कार्यक्रममा बम विस्फोट हुँदा ५ जना शहिद भएका थिए भने २ दर्जनभन्दा बढी घाइते भएका थिए ।

शहिद हुनेहरुमा मिथिला नाट्य कला परिषद्का वरिष्ठ कलाकार रञ्जु झा, सुरेश उपाध्याय, दीपेन्द्र दास, झगरू मण्डल र बिमल शरण थिए ।