रतुवामाई, बैशाख १६-मोरङको रतुवामाई नगरपालिकाले लकडाउनका कारण काठमाडौँमा अलपत्र परेका एक सय ९४ जना नगरवासीकोे उद्धार गरेको छ ।

काठमाडौँबाट गाउँ फर्कन चाहनेहरुलाई मंगलबार पाँचवटा बसको व्यवस्था गरी नगरपालिकाले उद्धार गरेको हो । रतुवामाई नगरपालिकाका मेयर रवीन राईले मंगलबार काठमाण्डौबाट पाँच बसमार्फत अलपत्र नागरिकको उद्धार गरी ल्याएको जानकारी दिए । लकडाउनका कारण राजधानी काठमाडौंसँगै बनेपा, भक्तपुरमा अलपत्र परेका नगरबासीलाई उद्धार गरिएको मेयर राईले बताए ।

लकडाउन थपिदै जाँदा घर जाने यात्रुहरुको संख्या बढ्दै गएपछि नगरपालिकाले उद्धार गरेको हो । काठमाण्डौँबाट ल्याइएका नगरबासीहरुलाई रतुवामाई ८ मा रहेको सरस्वती माध्यमिक विद्यालयको क्वारेनटाईनमा राखी स्वास्थ्य परिक्षण गरेर मात्र घर पठाइएको मेयर राईले जानकारी दिए ।

उद्धार गरिएका सबैलाई अभिभावकको सम्पर्क गराई होम क्वारेनटाइनमा बस्नसमेत नगरपालिकाले अनुरोध गरेको छ । उद्धार गरि ल्याइएका नगरवासीहरुले आफुहरुलाई गृह नगर आउन पाउँदा खुशि लागेको बताएका छन् । उनीहरुले काठमाडौंमा भोकमरी र कोरोनाको त्रासमा बस्दै आएको बताउँदै गाँउ आएपछी सवै चिन्ता हराएको बताए ।