अध्यादेश प्रकरणले विवाद चुलिएका बेला सोमबार दिउँसो ओली र नेपालबीच लामो संवाद भएको थियो । संवादका क्रममा नेपालले ओलीलाई प्रधानमन्त्री र पार्टी अध्यक्षमध्ये एक पद छाड्न सुझाएका स्रोत बताउँछ । नेपालले पार्टी अध्यक्ष हुन चाहेको बुझेका ओलीले आगामी महाधिवेशनबाट पार्टी अध्यक्ष बनाउन सहयोग गर्ने आश्वासन दिएका थिए ।

त्यसपछि दुवै पक्षले आआफ्ना नेतालाई वार्ताका लागि खटाएका छन् । दुवै पक्षका नेताबीच कोटेश्वरस्थित नेपालकाे निवासमा साेमबार दिउँसाे पनि छलफल भएकाे छ ।

ओली पक्षबाट उपप्रधानमन्त्री ईश्वर पोखरेल, प्रदेश ५ का मुख्यमन्त्री शंकर पोखरेल, परराष्ट्रमन्त्री प्रदीप ज्ञवाली तथा नेपाल पक्षबाट नेताहरू भीम रावल, सुरेन्द्र पाण्डे र रघुजी पन्तले काेटेश्वर पुगेर छलफल गरेका हुन् ।