पौडी खेल्ने क्रममा डुबेर मृत्यु
विराटनगर, १ असोर । भोजपुर आमचौक गाऊपालिका १ खाम्ताङ की १४ बर्षीया तारा परियारको पौडी खेल्ने क्रममा डुबी मृत्यु भएको छ । हिजो दिउसो १२ बजे आमचौक १ र २ को सिमानमा रहेको छेका खोलामा...
काठमाडौं, १३ चैत-सरकारले आन्तरिक र बाह्य उडान जेठ २ गतेसम्म बन्द गर्ने निर्णय लिएको छ । शनिबार प्रधारमन्त्री तथा मन्त्रिपरिषद् कार्यालयमा बसेको कोरोना रोकथाम तथा नियन्त्रण उच्चस्तरीय समन्वयन समितिको बैठकले मे १५ सम्मको लागि उडान रोक्ने पहिलोको निर्णयलाई यथावत राख्ने निर्णय लिएको हो ।
कोरोना भाइरसको फैलावट रोक्नको लागि सरकारले ९ चैतबाट अन्तर्राष्ट्रिय उडान र ११ चैतबाट आन्तरिक उडान रोकेको थियो ।लकडाउनपछि शून्य प्यासेन्जर नीतिअन्तर्गत नेपालबाट ४ हजार ४ सय ५० जना विदेशी तथा विदेशी ग्रीनकार्ड होल्डर बाहिरिएका छन् । ३३ वटा अन्तर्राष्ट्रिय उडान भएका छन् ।
‘आगामी मे १५ गतेसम्म आन्तरिक र अन्तर्राष्ट्रिय सबै व्यावसायिक उडान रोक्न यसअघि निर्यणलाई निरन्तरता दिने भनिएको छ’ बैठकमा सहभागी एक सदस्यले भने ।
यसभन्दा पहिले आन्तरिक उडान खोल्नको लागि सरकार छलफलसमेत चलाएको थियो । तर, कतिपय व्यवसायीहरूले यातायात नखुलाएसम्मका लागि आन्तिक उडान खुलाउनुको अर्थ नहुने बताएपछि सरकारले आन्तरिक र बाह्य दुवै उडान जेठ २ गतेसम्म बन्द गर्ने निर्णय लिएको हो ।
