तत्कालीन समाजवादी पार्टी र तत्कालीन राष्ट्रिय जनता पार्टीबीच एकता भएको छ । बुधबार मध्यरातमा राति दुवै पार्टी मिलेर जनता समाजवादी पार्टी बनाउने निर्णय भएअनुसार बिहीबार दिउँसो निर्वाचन आयोगमा दल दर्ता भएको छ । बिहीबार दिउँसो निर्वाचन आयोगमा पुगेर दल दर्ता १३८८ मा दर्ता गरिएको हो ।

अहिलेलाई नयाँ दलको मर्यादाक्रममा पहिलो नम्बर महन्थ ठाकुर रहेका छन् । दोस्रोमा डा. बाबुराम भट्टराई रहेका छन् ।  अन्य नेताको मर्यादाक्रम पछि तोक्ने जनाइएको छ ।

यसैबीच राष्ट्रिय प्रजातन्त्र पार्टी (राप्रपा)का अध्यक्ष कमल थापाले समाजवादी पार्टी र राष्ट्रिय जनता पार्टीबीच एकता गर्ने सहमति भएकोमा बधाई तथा शुभकामना दिएका छन् । एकता सुदृढ र दिगो हुन सकोस् भन्ने कामना गरेका छन् ।

त्यस्तै, राष्ट्रियताको संरक्षण र प्रजातन्त्रको सुदृढीकरणमा एकीकृत पार्टीबाट योगदान पुगोस् भन्ने शुभकामना दिएका छन् ।’समाजवादी पार्टी र राष्ट्रिय जनता पार्टीबीच एकता गर्ने सहमति भएकोमा हार्दिक बधाई तथा शुभकामना। एकता सुदृढ र दिगो हुन सकोस्। राष्ट्रियताको संरक्षण र प्रजातन्त्रको सुदृढीकरणमा एकीकृत पार्टीबाट योगदान पुगोस्,’ उनले सामाजिक सञ्जाल ट्विटरमा लेखेका छन् ।