जनकपुर, २ वैशाख-माटोको हिलो एकअर्कालाई छ्यापेर पनि पर्व मनाइन्छ सुन्दा आश्चर्य लाग्न सक्छ । तर, मिथिलाञ्चलको प्रमुख पर्वमध्ये एक जुडशीतल यसैगरी मनाइँदै छ ।

यो वर्ष भने लकडाउनका कारण जुडशीतल पर्व प्रभावित भएको छ । यद्यपि मानिसहरु आफ्ना बालबालिकासँग भने यो पर्व मनाइरहेका रहेका छन् ।

यस क्षेत्रमा बैशाख २ गते एकअर्कालाई हिलो छ्यापेर यो पर्व मनाउने परम्परा छ । यो पर्वको उत्साह जनकपुरधाममा मात्रै नभएर पूरै प्रदेश–२ मै रहेको छ ।

फागु पर्वमा एक अर्कालाई रंगअबीर दलेर जस्तै जुडशीतलमा हिलो माटो छ्याप्ने परम्परा रहेको छ । हिलो खेल्ने कार्यमा वर्षौंखि सक्रिय रहँदै आएका सामाजिक कार्यकर्ता अमरचन्द्र अनिल यो पटक भने घरमै पर्व मनाइरहेको बताउँछन् ।