विराटनगर, फागुन ३०–विभिन्न सामाजिक क्षेत्रमा निरन्तर काम गर्दै आइरहेको परिवर्तनका लागि हातेमालो विराटनगरले आफ्नै शरिरमा लगाएको लुगाबाट सल्किएको आलो लागेर घाईते ५ वर्षिया दलित बालिकाको उपचारमा सहयोग गरेको छ ।

हातेमालोले शरिरमा आगो लागेर घाइते सुनसरी स्थित कालाबञ्जरमा डेरा गरि बस्ने उमेश बराइलीकी ५ वर्षिया छोरी देविकाको उपचारमा सहयोग गरेको हो । गत फागुन ५ गते आगो ताप्दै गरेको अवस्था अचानक बालिकाले लगाएको लुगाबाट सल्एिकोको आगोले उनको शरिरको २० प्रतिशत भाग जलेको थियो ।

आगोले जलेर गम्भिर घाइते बनेकी बालिकालाई विराटनगर स्थित नोवेल अस्पतालमा लगिएपनि रेफर गरिएपछी विराटनगरकै म्याक्स इन्टरनेशनल हस्पिटलमा उनको उपचार भएको थियो । म्याक्स इन्टरनेशनल अस्पतालमा उपचार पश्चात बालिका निको भएपनी अभिभावकको आर्थिक अवस्थाका कारण हस्पिटलको शुल्क तिर्न नसक्दा उनको ‘डिस्चार्ज’ हुन सकेको थिएन ।

पिडित बालिकाका विषयमा जानकारी पाएलगत्तै परिवर्तनका लागि हातेमालो अभियानको अगुवाईमा र समाजसेवी गोपाल कटुवालको आर्थिक सहयोगमा उपचार खर्च जुटाएर ‘डिस्चार्ज’ गरिएको हो । वालिकाको उपचार शल्कमा हस्पिटलले समेत सहयोग गरेको परिवर्तनका लागि हातेमालो विराटनगरका अध्यक्ष विनोद चहार(परियार) ले जानकारी दिए ।

विपन्न परिवारले पनि उपचार सेवा पाउनुपर्छ भन्ने मान्यता हस्पिटलको रहेकाले सामाजिक उत्तरदायीत्व अन्तर्गत बालिकाको उपचारमा म्याक्स हस्पिटलले पनी सहयोग गरेको निर्देशक हेमनारायण मेताले जानकारी दिए ।

हस्पिटलका अध्यक्ष सत्रुधनप्रसाद यादवले पनि पिडित बालिकाको उपचार सफल गराई घर पठाउन पाउँदा अत्यन्तै खुसि लागेको बताए । ‘देवीका बराइली वचाउ अभियान’ मा समाजसेवि गोपाल कट्वाल , सामाजिक अभियान्ता सरोज कोइराला हातेमालोका अधक्ष्य विनोद चाहार , हस्पिटल तर्फबाट हेमनारायण मेहता , सत्रुधनप्रसाद यादव , महेश यादवलगायतको लामो प्रयास पछि बालिकालाई घर पठाउन सफल भएको जनाइएको छ ।