विराटनगर । आधुनिक फिटनेस उपकरण र अनुभवी प्रशिक्षकहरूको उपस्थितिले विराटनगर ४ कञ्चनबारीमा रहेको सजिलो फिटनेश एण्ड जिमले सबै उमेरका मानिसहरूको मन छन सफल भएको छ । २०७२ सालमा स्थापना भएको यो जिमले आजको दिनमा स्वास्थ्य र फिटनेसको क्षेत्रमा एक महत्वपूर्ण भूमिका खेलिरहेको छ ।
यहाँ कार्डियो, वेट ट्रेनिङ, फिजिकल ट्रेनिङ, स्ट्रेन्थ ट्रेनिङ, र ट्रान्सफर्मेशनल प्रोग्रामहरू उपलब्ध रहेको जिमका संचालक सञ्जय शाहले जानकारी दिए ।
जिममा हालसम्म ३ करोड भन्दा बढी लगानी भइसकेको छ, जसले यसलाई यस क्षेत्रको एक प्रमुख फिटनेस सेन्टर बनाएको छ । विशेष कुरा के छ भने यो जिममा केवल स्वस्थ व्यक्तिहरूका लागि मात्र नभएर बिरामीहरूका लागि पनि थेरापी सेवा उपलब्ध छ । यसले स्वास्थ्य सेवाको क्षेत्रमा यसको योगदानलाई झनै महत्वपूर्ण बनाएको छ ।
सजिलो जिमको सफलतामा यहाँका अनुभवी प्रशिक्षकहरूको महत्वपूर्ण योगदान छ । हाल यहाँ सञ्जय शाह, मनु मुखिया, अजय मण्डल, सङ्गम धमला, आनन्द कामत र सुजल पौडेललगायत दक्ष प्रशिक्षकहरू कार्यरत छन् । यी प्रशिक्षकहरूले प्रत्येक व्यक्तिको आवश्यकता अनुसार व्यायाम योजना तयार गरी व्यक्तिगत सेवा प्रदान गर्ने गरेका छन।
जिममा दैनिक ३०० देखि ४०० जना नियमित रूपमा व्यायाम गर्न आउने गरेका छन् । शरीरलाई स्वस्थ राख्नको लागि नियमित रूपमा सजिलो जिममा व्यायाम गर्न जाने गरेको विराटनगरका ४ कन्चनबारीका त्रिलोचन गौतमले बताए ।
जिममा व्यायाम गर्न आउने व्यक्तिहरूले आकर्षक शरीर निर्माणका लागि नियमित अभ्यास र अनुशासित जीवनशैली आवश्यक भएको बताएका छन् । यसले युवाहरूमा स्वस्थ जीवनशैली अपनाउने प्रेरणा दिइरहेको छ ।
सजिलो जिमको बढ्दो लोकप्रियताले स्थानीय व्यापार र व्यवसायको प्रवर्धनमा महत्वपूर्ण योगदान पु¥याइरहेको छ । यसले धेरै व्यक्तिहरूलाई प्रत्यक्ष र अप्रत्यक्ष रूपमा रोजगारीको अवसर प्रदान गरिरहेको छ । साथै फिटनेस उद्योगको विकासमा पनि यसको भूमिका उल्लेखनीय छ ।
सजिलो फिटनेश एण्ड जिमको सफलताले देखाएको छ कि गुणस्तरीय सेवा र आधुनिक सुविधाले कुनै पनि व्यवसायलाई उचाइमा पु¥याउन सक्छ । यो जिमले विराटनगरका मानिसहरूको स्वास्थ्य चेतनामा सकारात्मक परिवर्तन ल्याएको छ र भविष्यमा पनि यस क्षेत्रको विकासमा अग्रणी भूमिका खेल्ने अपेक्षा गरिएको छ ।