विराटनगर । जनगुनासो आएपछि बनिगामा स्वास्थ्यचौकीको अनुगमनमा गएका मोरङ ग्रामथान गाउँपालिका अध्यक्ष नमोनारायण माझीले दुई स्वास्थ्यकर्मीलाई स्पष्टीकरण सोधेका छन्।
अध्यक्ष माझीले अनुगमनका क्रममा अहेव नगेन्द्र चौधरी बिना जानकारी अनुपस्थित रहेको फेला पारे। साथै, सोही दिन त्यहाँ कार्यरत नर्सिङ स्टाफ रन्जुकुमारी चौधरी पनि अनुपस्थित थिइन्।
यसैगरी, पालिकाद्वारा आयोजना गरिएको स्वास्थ्य शिविरमा समेत अहेव चौधरी अनुपस्थित रहेको पाइएको छ। उनी बर्थिङ सम्बन्धी तालिम प्राप्त स्वास्थ्यकर्मी भएपनि बर्थिङमा नबसी फिल्ड अर्थात् भ्याक्सिनेसनमा जाने गरेको पाइएको छ।
यसै विषयलाई लिएर ग्रामथान गाउँपालिका अध्यक्ष माझीले अनमी रन्जु चौधरी र अहेव नगेन्द्र चौधरीसँग बैशाख १९ गते मौखिक स्पष्टीकरण सोधेका हुन्।
अध्यक्ष माझीले स्वास्थ्य सेवाको गुणस्तर सुनिश्चित गर्न र जवाफदेहिता कायम गर्न यस्ता अनुगमन तथा छलफल निरन्तर गरिने जानकारी दिए।