विराटनगर । विराटनगरको गोल्डेन अस्पतालले उपचार खर्च नतिरेको भन्दै एक दुर्घटना पीडितलाई एक महिना भित्रमा तिनुपर्ने कागज गराएर मात्रै शव परिवारलाई दिएको छ । विराटनगर–११ नयाँ गुद्रीमा फागुन २८ गते राति भएको मोटरसाइकल दुर्घटनामा परी गम्भीर घाइते भएका ३० वर्षीय सञ्जय कामतको उपचारको क्रममा मृत्यु बिहीबार चार बजे गोल्डेन हस्टिलमा मुत्यु भएको थियो । मृत्यु भएपछि परिवारले हस्पिटलले भनेजति पैसाँ तिर्न नसकेपछि हस्पिटलले एक महिना भित्रमा तिर्नुपर्ने कागज गरेर शव परिवारलाई जिम्मा लगाएको हो । अस्पतालले भनेजति पैसाँ तिर्न नसकेपछि हस्पिटलले चार घण्टा शव हस्पिटलमा बन्धन बनाएर राखिएको थियो । स्थानीय जनप्रतिनिधीहरु आएर साची बसेर एक महिनाभित्र उपचार गरेको पैसाँ दिने कागज गराएपछि मात्रै हस्पिटल शव दिन मानेको थियो ।
मनोज स्क्रिन प्रिन्टमा कार्यरत कामत काम सकेर घर फर्किंदै गर्दा सुनसरी बर्जु गाउँपालिका–५ का २७ वर्षीय राजेश चौधरीले मादक पदार्थ सेवन गरी चलाएको मोटरसाइकलको ठक्करबाट गम्भीर घाइते भएका थिए । आठ दिनको उपचारपछि बिहीबार बिहान उनको मृत्यु भएको हो ।
दुर्घटना गराउने चौधरीले उपचार खर्च तिर्न नसकेपछि अस्पतालले मृतक परिवारलाई ७ लाख रुपैयाँ तिर्न दबाब दिएको पाइएको छ । आर्थिक रूपमा कमजोर अवस्थामा रहेका मृतकका परिवारले यति ठूलो रकम जुटाउन नसक्दा अस्पतालले शव हस्तान्तरण गर्न अस्वीकार गरेको थियो । मृतकका भाइ अजयकुमार कामतका अनुसार अस्पतालले ‘कि दुर्घटना गराउनेबाट पैसा जोहो गराउनुस् कि आफन्तहरूबाट उठाएर बुझाउनु,’ भन्दै अमानवीय व्यवहार प्रदर्शन गरेको छ ।’ शव हस्तान्तरण नगर्नु भनेको मृतकको आत्मसम्मानको अवहेलना मात्र नभएर परिवारको दुःखद अवस्थामा थप पीडा थप्ने कार्य गरेको उनले बताए ।
अस्पतालको अडानपछि मृतकका आफन्तले स्थानीय जनप्रतिनिधिहरूलाई बोलाएर छलफल गरेका थिए । विराटनगर–१२ का वडाध्यक्ष हिरालाल कामत र विराटनगर–६ का वडाध्यक्ष अक्षय सहनीको हस्तक्षेपपछि मात्र शव लैजान पाउने सहमति भएको बताइएको छ । यो घटनाले स्वास्थ्य संस्थाहरूमाथि प्रभावकारी नियमन र अनुगमनको खाँचो देखाएको छ । ‘स्थानीय जनप्रतिनधीहरु आएपछि दुर्घटना गराउनेबाट एक महिना भित्रमा हस्पिटलले भनेजति पैसाँ तिर्नुपर्ने कागज गराएपछि मात्रै शव दिएको छ,’ विराटनगर १२ का वडाअध्यक्ष हिरालाल कामतले भने ।
यस विषयमा हस्पिटलका प्रतिनिधी मोहम्मद ज्याहुल हकसँग सम्र्पक गर्दा उनी सम्पर्कमा आउन चाहेनन ।