विराटनगर । जिल्ला कारागार मोरङमा रहेका एक थुनुवाको शनिबार दिउँसो उपचारको क्रममा मृत्यु भएको छ। धरौटी रकम बुझाउन नसकेर कारागार चलान भएका मोरङको पथरीशनिश्चरे नगरपालिका(४ का ३८ वर्षीय जितबहादुर देवान ९जेठा० को कोशी अस्पतालमा उपचार गराउँदागराउँदै मृत्यु भएको हो।
कारागारका जेलर गौरव ढुंगेलका अनुसार देवानलाई हातखुट्टा नचल्ने समस्या देखिएपछि फागुन २९ गते कोशी अस्पतालमा भर्ना गरिएको थियो। उनको आईसीयूमा राखेर उपचार भइरहेको अवस्थामा शनिबार दिउँसो ३स्५५ बजे मृत्यु भएको जेलर ढुंगेलले जानकारी दिए।
ूदेवानलाई आफ्नै घरमा आगो लगाएको अभियोगमा प्रहरीले पक्राउ गरेर आपराधिक उपद्रव मुद्दा चलाएको थियो,ू जेलर ढुंगेलले बताए। जिल्ला अदालत मोरङले गत मंसिर २३ गते मुद्दाको पुर्पक्षका लागि २५ हजार रूपैयाँ धरौटी माग गरेको थियो। तर, उक्त रकम बुझाउन नसकेपछि उनलाई कारागार चलान गरिएको थियो।
मुद्दाको फैसला हुन बाँकी रहेकै अवस्थामा थुनुवाको मृत्यु भएको हो। मृतकको शवलाई कोशी अस्पतालको शव गृहमा राखिएको छ।
जेलर ढुंगेलका अनुसार मृतकका आफन्त र परिवारका सदस्यहरू सम्पर्कमा आइसकेका छन्। आवश्यक प्रक्रिया पूरा गरेर शव परिवारजनलाई जिम्मा लगाइने जनाइएको छ।
कारागार प्रशासनले देवानलाई स्वास्थ्य सम्बन्धी पहिलेदेखि नै समस्या रहेको हुनसक्ने आशंका गरेको छ। यद्यपि, मृत्युको वास्तविक कारण खुल्न बाँकी रहेको छ।
मृतक देवानको मुद्दा अझै विचाराधीन अवस्थामा रहेको र अदालतबाट अन्तिम फैसला आउन बाँकी रहेको कारागार प्रशासनले जनाएको छ।