विराटनगर । होली पर्वको अवसरमा मोरङ जिल्लामा ट्राफिक नियम उल्लंघन गर्ने २६९ सवारी साधनलाई कारवाही गरिएको छ। मोरङ ट्राफिक प्रहरी प्रमुख प्रहरी निरीक्षक राजन लम्सालका अनुसार, कारवाहीमा परेकामध्ये हेलमेट नलगाई सवारी चलाउने ७२ जना, तीन जना सवारी भएका ८८ सवारी साधन र मादक पदार्थ सेवन गरेर सवारी चलाउने १०९ जना रहेका छन् ।
होली पर्वको अवसरमा कुनै अप्रिय घटना नभएको र सबै नागरिकले शान्तिपूर्ण रूपमा पर्व मनाएको पाइएको छ, प्रहरी निरीक्षक लम्सालले भने। यस अवधिमा विशेष सुरक्षा व्यवस्था मिलाइएकाले जिल्लामा कुनै पनि सवारी दुर्घटना नभएको र मानवीय क्षति हुनबाट जोगिएको उनले जानकारी दिए।
ट्राफिक प्रहरीले होली जस्ता पर्वहरूमा सवारी चालकहरूलाई सचेत रहन र सुरक्षित यात्राका लागि ट्राफिक नियमहरूको पालना गर्न आग्रह गरेको छ। यसबाट दुर्घटना न्यूनीकरण हुनुका साथै सुरक्षित र शान्तिपूर्ण वातावरणमा पर्व मनाउन सहयोग पुग्ने प्रहरीको विश्वास छ।