विराटनगर । विराटनगरस्थित पूर्वाञ्चल विद्या सदन बोर्डिङ स्कुलमा निःशुल्क स्वास्थ्य शिविर आयोजना गरिएको छ । स्कुल परिसरमा बिहीबार निःशुल्क स्वास्थ्य शिविर आयोजना गरिएको हो ।

विराट मेडिकल कलेजको प्राविधिक सहयोगमा आयोजना गरिएको शिविरमा ४ सय ५० भन्दा बढी विद्यार्थीहरुले स्वास्थ्य जाँच गरिएको स्कुलका प्रिन्सिपल अर्जुन श्रेष्ठले जानकारी दिए । विराट मेडिकल कलेजबाट आएका विशेषज्ञ चिकित्सकहरुले पूर्वाञ्चल विद्या सदनमा अध्ययरत विद्यार्थीहरुको स्वास्थ्य जाँच गरेका थिए । विरामीहरुको स्वास्थ्य परीक्षण मेडिसिन विभागका डक्टर फुलगेन नायक, आँखा विभाग डक्टर रेश्मा बराल , डा सुनदा भारती रञ्जना पण्डित, बाल रोग विशेषज्ञ डाक्टर अनिल रेग्मी, दन्तरोग विशेषज्ञ डक्टर मेघा खत्री क्षेत्री, नर्सिङ विभागकी सरस्वती थापा मगर र हरि मेहताले स्वास्थ्य जाँच गरेका थिए । स्वास्थ्य परीक्षण गरिएका विरामीको थप उपचार गर्नुपरे विराट मेडिकल कलेजमा सौलियतमा उपचार हुने बताइएको छ ।
स्वास्थ्य शिविरमा मेडिकल कलेजबाट आएका अस्पताल प्रतिनिधि कामेश्वर पण्डित र जिनेन्द्र कुमार मेहताको पनि उपस्थिती रहेको थियो । शिविरमा विद्यालयका शिक्षक कर्मचारी साथ २५० भन्दा बढी अभिभावकहरूले समेत स्वास्थ्य जाँच गराए।