विराटनगर । विराटनगर ७ जलजला चोकको दाडेवाल गल्लीमा च्याम्पियनस कराते एकेडेमी संचालनमा आएको छ । कराते खेलाडीहरु उत्पादन गर्ने उद्देश्यले एकेडेमी संचालनमा आएको हो ।

बालबालिकालाई आत्मरक्षा कला सिकाउनुका साथै उनीहरुलाई कुशल खेलाडी बनाउँदै अन्तर्राष्ट्रिय स्तरको प्रतिस्पर्धामा सहभागी गराई देशको नाम उज्जवल बनाउन एकाडेमी संचालनमा ल्याएको संचालक तथा करातेका अन्तर्राष्ट्रिय खेलाडी सुरज कामतले बताए । अहिले एकेडेमीमा शनिबार बाहेक हप्ताको ६ दिन प्रशिक्षण दिइने गरिएको छ । विहान ६ देखि सात बजेसम्म र बेलुकी ५ बजेदेखि साझ ६ बजेसम्म प्रशिक्षण हुने गरेको संचालक कामतले बताए ।
‘खेलाडीहरुलाई स्वच्छ, सुरक्षित र व्यवस्थित म्याटमा गुणस्तरीय प्रशिक्षण दिइँदै आएको छ । यो विराटनगरकै पहिलो पूर्णरुपमा व्यवस्थित कराते एकेडेमी हो । यस एकेडेमीले ३ जना उत्कृष्ट खेलाडी विद्यार्थीहरुलाई पूर्ण छात्रवृत्तिमा तालिम समेत प्रदान गरिरहेका छ,’ उनले भने ।
एकाडेमीका प्रशिक्षण लिदै आएका खेलाडीहरुले हालै सम्पन्न प्रथम रिना स्मृति आमन्त्रित खुला कराते प्रतियोगितामा एकेडेमीका ११ खेलाडीहरुले सहभागीता जनाएका थिए । जसमा यस एकाडेमीका खेलाडीहरुले १ स्वर्ण, ३ रजत र ७ कांस्य पदक जित्न सफल भएका छन् । ‘जसले गर्दा यस एकेडेमीको उच्चस्तरको प्रशिक्षण र खेलाडीहरुको उत्कृष्ट क्षमतालाई प्रमाणित गरेको छ,’ संचालक कामतले भने ।
अहिले ३५ जना विद्यार्थीहरुले नियमित प्रशिक्षण लिइरहेका छन् । निकट भविष्यमा यस एकेडेमीका खेलाडीहरुलाई राष्ट्रिय तथा अन्तर्राष्ट्रिय प्रतियोगितामा सहभागी गराउन निरन्तर कठिन परिश्रम गर्दै आएको उनको भनाइ छ । ‘आफ्नो आत्मरक्षा तथा खेल करिअरलाई सशक्त बनाउन इच्छुक विद्यार्थीहरुलाई च्यम्पियनस् कराते एकेडेमीमा जोडिन आग्रह गर्दछु,’ कामतले भने । करिब साढे ४ लाख रुपैयाँ लागतमा उक्त एकाडेमी संचालनमा आएको हो ।