विराटनगर । भ्यालेनटाईन डे अर्थात प्रेम दिवस विराटनगरमा सविन राईको संगीतमय साँझ हुने भएको छ । विराटनगरका संगीत प्रेमीहरुको लागि अहिलेका युवा पुस्तामा निक्कै रुचाइएका गायक सविन राई एण्ड ‘फारोह’ व्याण्डले प्रेम दिवसमा संगीतमय बनाउने भएको हो ।

मन्जिना फाउन्डेसन नेपालको आयोजना तथा विराटनगरका युवाहरुको सहकार्यमा फेब्रअरी १४ अर्थात फागुन २ गते विराटनगरको हाटखोला मैदानमा भव्य सांगीतिक साँझ हुने भएको छ । संगीत क्षेत्रमा झण्डै दुई दशक बिताइसकेका सविन राई नेपाली रक तथा पप संगीतमा एक फरक पहिचान बनाएका गायक हुन् ।

उनको स्टेज पर्फमेन्सलाई विशेष रुचाइने भएकाले यस साँगितिक साँझमा दर्शकहरूको उल्लेखनीय सहभागिता रहने आयोजकले अपेक्षा गरिएको छ । यसका लागि आयोजकले विराटनगरका विभिन्न स्थानहरुमा टिकट बिक्रीका लागि खुल्ला गरिसकेको छ । आयोजक कमिटिका जतिन ताम्राकारका अनुसार विराटनगर ट्राफिक चौकमा रहेको ‘द न्यु सप , रेन्बो गल्लीको रेड मड क्याफे , एयरर्पोटको चिया स्टेशन, रानी मिल्श एरीयामा रहेको माङहाङ होटल, दि लोकल्स, जे एन एल फुटसल , हिमालयरोडको सनराईज मोवाईल पसल लगायत माई पेबाट अनलाईन टिकेट लिन सकिनेछ । टिकटको मुल्य भिआईपी एक हजार, प्रि सेल २ सय र ईनडोर ३ सय रहेको ताम्राकारले जानकारी दिए ।