विराटनगर । प्याब्सन प्रेसिडेन्ट फुटबल कप सुरु भएको छ । प्याब्सन विराटनगरको आयोजनामा मंगलबारदेखि प्याब्सन प्रेसिडैन्ट फुटबल कप सुरु भएको हो ।
१५ वर्ष मुनिका प्याब्सन आवद्ध विद्यालयलहरुले भाग लिने प्रतियोगिताको उद्घाटन खेलमा एक दर्जन विद्यालय विजय भएका छन् ।
विराटनगरको जुटमिलको खेलमैदान र डिएसपी स्कुलको खेलमैदानमा भएको प्रतियोगिताको पहिलो दिन विराटनगरका अपूर्ण, ग्यालेक्सी, सिद्धार्थ, बुढानिकलकण्ड, अरनीको, डिएभी, डिपिएस, स्टार, गोदावरी, बिकेभिएम, एजेलिया र मोडर्न एरा स्कुल विजयी भएका छन् ।
प्रतियोगिताको पहिलो खेलमा अपर्ण स्कुलले एममीडि स्कुललाई ०–५ गोलले पराजित गर्यो । सोही दिन भएको दोस्रो खेलमा विराट शिक्षा निकेशनलाई ग्यालेक्सी स्कुलले ०–३ गोलले हरायो ।
सिद्धार्थले ०–३ गोलले पूर्वाञ्चललाई पराजित गर्यो । बुढानिकलण्डले एभरेष्ट स्कुललाई ५–३ गोलले निराश बनायो । अरनीकोले ३–० गोलले ग्रेडेड स्कुलाई हरायो । डिएभीले पोलस्टारलाई ४-३ गोलले पराजित गर्यो । मोर्डन एराले १–० गोलले कान्तिपुरला स्कुललाई हरायो । बिकेभिएमले सनसाइन स्कुललाई १–० पराजित गर्यो । डिपिएसले जेम्स स्कुललाई टाइब्रेकरमा ४–३ गोलले हरायो । एजेलियाले गौतम बुद्ध स्कुललाई १–० गोलले पराजित गर्यो । स्टार स्कुलले ग्रिनल्याण्डलाई १ –० गोलले हरायो । गोदावरी स्कुलले सगरमाथा स्कुललाई टाइब्रेकरमा ४–३ गोलले निराश बनायो ।
बुधबार चार खेल हुने प्रतियोगिताको संयोजक दिनेश ढुङगना जानकारी दिए ।
माघ १७ गतेसम्म हुने प्रतियोगितामा विराटनगरका २४ वटा विद्यालयले भाग लिएको प्याब्सन विराटनगरका अध्यक्ष अर्जुन श्रेष्ठले जानकारी दिए ।