विराटनगर । तुम लोसार २०१८ को अवसर पारेर विराटनगरमा सदभावपुर्ण म्याराथन दौड प्रतियोगिता आयोजना गरिएको छ ।

तमु ह्युल छोंज धी गुरुङ राष्ट्रिय परिषद महानगर इकाइको आयोजनामा विराटनगरमा शनिबार विहान उक्त प्रतियोगिता आयोजना गरिएको हो ।

दौड प्रतियोगिताको पुरुषतर्फको प्रथम सुनसरीको दहबी घर भएका अशोक कुमार मण्डल, द्धितीय विराटनगर ६ का नितेश भट्टराई र तृतीय कटहरी बसन्त माझी घोषित भए । त्यसैगरी महिला तर्फको प्रथम आशिका ठाकुर, द्धितीय अनमिका चौधरी र तृतीय कमला चौधरी भइन् । महिलातर्फको सान्तवना कोहिनुर तामाङ्ग घोषित भइन् ।

त्यसैगरी ४० वर्ष माथिको दौडको प्रथम राजेश गुरुङ भने ४५ वर्षभन्दा माथि उमेर समूहको प्रथम रामकुमार सरदार र ५० वर्ष भन्दा माथिको प्रथम विद्यानन्द माझी घोषित भए ।
प्रथम, द्धितीय र तृतीय हुनेले क्रमश : ३ हजार १ सय, २ हजार १ सय र १ हाजरा पाँच सय रुपैयाँ पाउनेछन् । उक्त पुरस्कार वितरण पुस १५ गते विराटनगर ७ हाटखोलास्थित हरियाली पार्कमा हुने कार्यक्रममा गरिने तमु ह्युल छोंज धी गुरुङ राष्ट्रिय परिषद महानगर इकाइको सचिब राजेश गुरुङले बताए ।
प्रतियोगितामा १५० भन्दा बढीले भाग लिएका थिए भने कार्यक्रममा पाँच सय बढीको सहभागिता रहेको थियो ।
दौड प्रतियोगिताको प्रमुख अतिथि बुढीगंगा गाउँपालिका अध्यक्ष जित नारयण थापा रहेका थिए । उनले कार्यक्रममा यस्ता कार्यक्रमले समाजमा सदभाव कायम गर्न ठूलो मध्धत पुग्ने बताए । तमु ह्युल छोंज धी गुरुङ राष्ट्रिय परिषद महानगर इकाइको अध्यक्ष कबिमान गुरुङको सभापतित्वमा उक्त कार्यक्रम भएको थियो ।
तुम लोसार २०१८ को अवसर पारेर आइतबार साझमा विराटनगरस्थित जनआन्दोलन चोकमा दिप प्रज्जवलन कार्यक्रम रहेको तमु ह्युल छोंज धी गुरुङ राष्ट्रिय परिषद महानगर इकाइको प्रचार विभाग प्रमुख भली सुब्बाले जानकारी दिइन् । परिषदले तुम लोसारको अवसरमा विभिन्न कार्यक्रम आयोजना गर्दै आएको उनले बताइन् । औपचारिक कार्यक्रम आयोजना गरी पुस १५ गते समापन हुने प्रचार विभाग प्रमुख सुब्बाले बताइन् ।