विराटनगर । विराटनगर – ३ स्थित बुद्धोदय बचत तथा ऋण सहकारी सस्था लि. ले ५९ लाख भन्दा बढी नाफा कमाएको छ । सहकारीको स्थापना दिवस तथा १६ औं वार्षिक साधरण सभामा प्रतिवेदन पेश गर्दै आर्थिक वर्ष २०८१÷०८१ मा कर पछिको खूद नाफा ५९ लाख ५२ हजार २३१ रुपैयाँ ९६ पैसाँ गरेको जानकारी गराएको हो ।

सहकारीले ऋण कारोबाट १ करोड ८१ लाख ७७ हजार ११३ रुपैयाँ र संचालन आम्दानी गरी २२ लाख ५२ हजार ८७१ रुपैयाँ आम्दानी गरेको सहकारीका लेखा संयोजक अविनाश कुमार निधिले जानकारी दिए । सहकारीको खुद बचत ३३ लाख २५ हजार ८०९ रुपैयाँ रहेको छ ।

सहकारीको २०८१ असार मसान्तमा कुल शेयर पूँजी २ करोड ५० लाख ४८ हजार एक सय रुपैयाको रहेको लेखा संयोजक निधिले जानकारी दिए । त्यसैगरी यस आर्थिक वर्षको अन्त्यमा नगद तथा बैंक मौज्दात ४ करोड ४८ लाख १८ हजार ८८३ रहेको रहेको छ । निक्षेप बचत ११ करोड, १५ लाख ५० हजार ७६ रुपैयाँ रहेको छ भने ऋण लगानी ११ करोड ६ लाख ५० हजार ८२३ रुपैयाँ रहेको छ । सहकारीको जगेडा कोष तथा अन्य कोषमा २ करोड ७७ लाख ७ हजार ७७४ रुपैयाँ रहेको प्रतिवेदनमा देखिएको छ ।
कार्यक्रममा बोल्दै लेखा संयोजक निधिले सहकारीले तोकेको खाताहरु सहित आवश्यक सहायक खाताहरु व्यवस्थित गरी दैनिक कारोवारहरुलाई सहज र प्रभावकारी बनाउन कम्प्युटर सफ्टवेयरको प्रयोग गरिएको बताए । संस्थाको जगेडाकोष तथा निक्षेपलाई वृद्धि गर्न आवश्यक नीती कार्यविधि बनाउनुपर्ने उनले सुझाब दिए । शेयर रकम वृद्धि गरि दिर्घकालिन योजना बनाउनुपर्नेमा उनले जोड दिए ।
कार्यक्रममा बोल्दै विराटनगर महानगरपालिका प्रमुख नागेश कोइरालाले सहकारी ऐन, नियम एवं सहकारी विभागबाट जारी गरिएको मापदण्डलाई पूर्णरुपले पालना गरेर कारोबार गनिुपर्नेमा जोड दिए । छरिएर रहेको पूजीलाई एकीकृत गर्न सहकारीको ठूलो भूमिका निर्भाह गरेको उनले बताए ।
कार्यक्रममा बोल्दै सहकारीका अध्यक्ष राजेन्द्र प्रसाद खनालले अहिलेको परिस्थितिमा स्वास्थ्य प्रतिस्पर्धी र स्वसक्षम संस्था सञ्चालनका लागि कर्जा लगानी तर्फ विशेष ध्यान दिएर अगाडी बढने बताए । ‘सहकारी संस्था प्रति अपनत्वको बोध गराई समय सापेक्ष रुपान्तर गर्दै उपलब्ध स्रोत साधनको मितव्ययी उपयोग उपयोग गरिनेछ,’ अध्यक्ष खनालले भने, ‘सामुहिक प्रतिफल प्राप्त गर्न यस संस्थाका हरेक गतिविधिलाई पारदर्शि र उत्तरदायित्व बनाई सम्पूर्ण शेयर सदस्यमा सेवा सुविधा र पहुँच पुन्याउन सहकारी लागि पर्नेछ ।’ प्रचलित कानुन, सहकारी ऐन, संस्थाको विनियम र आफ्नो कार्ययोजना बमोजिम हरेक कार्यका अभिलेख र दस्तावेजका अधारमा सम्पूर्ण गतिविधिहरुबाट गुणात्मक र परिणात्मक प्रतिफलमा सहकारी लागि परेको उनले बताए ।