विराटनगर । मोरङको ग्रामथान गाउँपालिकाको अध्यक्ष पदका लागि आइतबार भएको निर्वाचनमा ७१.३३ प्रतिशत मतदान भएको छ । सहायक निर्वाचन अधिकृतका रामराजा पौडेलका अनुसार १८ हजार ५७७ मत खसेको जानकारी दिए ।
ग्रामथानमा २६ हजार ४४ मतदाता रहेका छन् । १२ मतदान स्थलका २९ मतदान केन्द्रमा मतदान भएको थियो ।

उनका अनुसार आज राती १० बजेपछि मतगणना गर्ने तयारी गरिएको छ । ‘राजनैतिक दलहरुबीच सर्वपक्षीय छलफल गरेपछि मतगणना सुरु गर्ने तयारि गरिएको छ,’ दुई स्थानबाट १० जना गणकले मतगणना गर्नेछन् । ’
आइतबार विहान ७ बजेदेखि सुरु भएको मतदान ५ बजे सकिएको थियो । शान्तिपूर्ण रुपमा मतदान सिकएको मोरङ प्रहरीले जनाएको छ ।