विराटनगर । प्रथम रविदानन्द चौधरी स्मृति कप भेट्रान फुटबल प्रतियोगिताको उपाधिको विराटनगरको रंगशाला भेट्रान क्लबले जितेको छ ।

विराटनगरको विराट युनाइटेड भेट्रान क्लब फाइनल खेल्न नआएपछि वाकओभरको आधरमा रंगशाला भेट्रान क्लबले बुधबार उपाधि जितेको हो । जितसंगै रंगशाला भेटानले नगद ३१ हजार रुपैयाँ जितेको छ ।

टाईगर क्लव ग्रामथानकाको आयोजनामा भएको प्रतियोगितामा ८ वटा टिमको सहभागी रहेको थियो ।

मोरङको ग्रामथान गाउँपालिका – ७ गणेश माविको खेल मैदानमा आइतबार अन्तिम सेमिफाइनल खेलमा भएको थियो । मंगलबार गर्ने भनेको फाइनल खेल विराटले नभ्याउने भनेको कारणले आयोजकले बुधबार फाइनल खेल सारिएको अध्यक्ष टाईगर क्लव ग्रामथानका अध्यक्ष मुक्ति गच्छदारले बताए । ‘विराटको आग्रहमा हामीले बुधबार फाइनल राखिएको हो । विहानसम्म आउँछु भनेको टिमलेअन्तिमसम्म पनि नआएपछि वाकओभरको आधरमा हामिले रंगशाला भेट्रान क्लबलाइ बिजेता घोषणा गरेका हौं,’ अध्यक्ष गच्छदारले भने ।

बिजेता हुने टिमलाई समाजसेवी प्रमुख अतिथि उषादेवि चौधरि, अध्यक्ष टाईगर क्लव ग्रामथानका अध्यक्ष मुक्ति गच्छदारलगायतले पुरस्कार बितरण गरेका थिए ।