विराटनगरको रानी नाका आजदेखि खुला
बिराटनगर, १६ असोज । विराटनगरको रानी नाका शनिबारदेखि आधिकारीक रुपमा खुला भएको छ । लामो समय बन्द रहेको सो नाका शनिबारदेखि पूर्णरुपमा खुल्ला भएको हो । असोज ११ गते बसेको मन्त्रिपरिषद्को बैठकले गरेको सिमाना खोल्ने...
विराटनगर । जिल्ला ट्राफिक प्रहरी कार्यालय मोरङको सक्रियतामा सिटी रिक्सामा छोडिएको साढे तीन लाखको सुनको गरगहना फेला परेको छ ।
विराटनगर–१ पोखरीया बस्ने गणेश श्रेष्ठको आइतबार साढे ३ लाख रुपैयाँ बराबरको सिटी रिक्सामा हराएको सुनको गहना ट्राफिक प्रहरीको सक्रियतामा भेटिएको हो ।
बजारबाट सुनको गहना किनेर घर फर्किने क्रममा श्रेष्ठको सुनको गहना सिटी सफारीमा छुटेका थिए । जिल्ला ट्राफिक प्रहरी कार्यालय मोरङका प्रहरी प्रमुख प्रहरी निरीक्षक राजन लम्सालले सिटी सफारीका चालकसँग समन्वय गरेर सुनको गहना सम्बन्धित व्यक्ति श्रेष्ठलाई जिम्मा लगाइदिएका छन् ।
श्रेष्ठले सुनको गहना सफारीमा छोडेर हिडेका थिए । हराएको सुनको गहना खोजविन गरिदिन श्रेष्ठले ट्राफिक प्रहरीलाई अनुरोध गरेका थिए । त्यसपछि जिल्ला ट्राफिक कार्यालय मोरङले सिटी सफारीका चालकसँग समन्वय गरेर सुनको गहना सम्बन्धित व्यक्तिलाई बुझाइएको हो ।
आइतबार विराटनगर–२ मुनालपथ स्थित जिल्ला ट्राफिक कार्यालयमा सम्बन्धित व्यक्तिलाई बोलाएर ट्राफिक प्रमुख लम्सालले सुनको गहना जिम्मा लगाएका छन् ।
