विराटनगर । विरामीको स्वास्थ्य उपचारमा व्यस्त रहने चिकित्सकहरुले शनिबार साझ छुट्टै रमाइलो लिएका छन् । नेपाल मेडिकल एशोसिएसन (एनएमए) कोशीले दशैं, तिहार, नेपाल सम्बत तथा छठ पर्वको अवसर पारेर आयोजना गरेको शुभकामना आदनप्रदान तथा सांगीतिक कार्यक्रममा रमाइलो गरेका हुन् ।

विराटनगरका चर्चित स्मृती ब्यान्डका कलाकाहरुले सहभागि भएका चिकित्सकहरुलाई मनोरञ्जन प्रदान गरे । उनीहरुले आफ्नो चर्चित गीतहरु प्रस्तुत गरी राती १० बजेसम्म मनोञ्जन दिए । उक्त कार्यक्रममा चिकित्सकहरुले पनि गीत र नृत्य प्रस्तुत गरी थप रमाइलो भयो । कार्यक्रममा मोरङका प्रमुख जिल्ला अधिकारी प्रेम प्रसाद भट्टराई, स्वास्थ्य मन्त्रालय कोशी प्रदेशकी सचिब डा. राधिका थपलिया, कोशी अस्पतालकी मेसु डा. रुना झालगायतले शुभकामना व्यक्त गरेका थिए । भित्रिएको विजय दशमी, दिपावली नेपाल सम्वत र छठ पर्वको शुभकामना सँगै सधैभरी विरामीको सेवामा व्यस्त रहने चिकित्सहरुलाई रिफ्रेसमेन्टसँगी चाडपर्वको शुभकामना दिन कार्यक्रम गरिएको नेपाल चिकित्सक संघ कोशी प्रदेशका महासचिब डा. बालकृष्ण साहले जानकारी दिए ।

नेपाल मेडिकल एशोसिएसन कोशीका अध्यक्ष राजेन्द्र चौधरीको अध्ययक्षतामा भएको उक्त कार्यक्रमको संचालन डा. निशा अधिकारी र संयोजक डा. रितेश सिंहले गरेका थिए ।