विराटनगर । विराटनगरस्थित सेन्टर मलले दशैं, तिहार र छठ पर्वलाई लक्षित गरेर महा उत्सव योजना अन्तर्गत छुट योजना लिएर आएको छ । ‘अब जानु पर्देन पारी, जव विराटनगरमै छ छुट भारी’ नारा लिएर सेन्टर मलले ६० प्रतिशतसम्म छुट योजना लिएर आएको हो ।

महा उत्सव योजना अन्र्तगत सेन्ट मलले ल्याएको छुट योजना चाडपर्वभरी चल्ने सेन्टर मलका सिइओ बिसाल न्यौपानेले जानकारी दिए । उनका अनुसार सीमावर्ती बजार जोगवनीमा पाइने दर रेट अनुसार खाद्यान्य सामाग्री सेन्टर बजारमा पाइने उनले बताए । सेन्टर बजारमा चिनी प्रतिकेजी ७० रुपैयाँ रहेको छ । त्यसैगरी पाँच हजार भन्दा बढीको सामान खरिदमा चलचित्रको एउटा टिकट र विभिन्न गिफट ह्याम्पर प्राप्त गर्नेछन् ।

त्यसैगरी श्रृंगार र कस्मेटिक सामानहरु पनि विशेष छुट योजना रहेको छ । अहिलेको चर्चित पेटीकिलिकको कस्मेटिक सामाग्रीहरुमा ५० प्रतिशतसम्म छुट रहेको छ । त्यस्तै श्रृंगारमा डेजिनेल आर्टमा २५ प्रतिशत, निलडेविटले ३० प्रतिशत, गोलस्टारको सुजको खरिदमा २० प्रतिशत, ब्लाक हर्स सुजले ५ प्रतिशत र गिफ्ट ह्याम्पर दिने घोषणा गरेको छ । फुट कोट र बालवालिकाहरुको खेल्ने सामाग्रीहरुमा पनि विभिन्न स्किम लिएर आएको छ । ‘अहिले सेन्टर मलले चाडपर्वलाई लक्षित गरेर महा उत्सव योजना लिएर आएको छ । यसमा ग्राहक महानुभवाहरुको लागि छुटै छुटैको योजना रहेको छ,’ उनले भने, ‘सेन्टर बजार भित्र अहिले जोगवनीमा भन्दा सस्तोमा खाद्यान्यको सामाग्रीहरु पाइने गरेको छ । चिनी, चामल, तेललगायतका खाद्यान्यको सामाग्रीहरु जोगवनीमा मुल्यमा विक्री भइरहेको छ ।’
चडपर्वलाई लक्षित गरेर सेन्टर मलले प्रत्येक वर्ष महा उत्सव योजनाहरु लिएर आउने गरेको छ ।