विराटनगर । राष्ट्रिय सौन्दर्यकर्मी यूनियन नेपाल दुहबी नगर कमिटिले जितिया पर्व मनाएको छ । सुनसरीको दुहबीमा शनिबार एक भव्य कार्यक्रम आयोजना गरी जितिया पर्व मनाएको हो ।
जितिया पर्वको अवसरमा नाबुन दुहबीले सांस्कृति कार्यक्रम पनि आयोजना गरेको थियो । उक्त कार्यक्रममा सांस्कृति झल्किने पहिरन लगाएर नृत्य प्रस्तुत गरी दिनभरी रमाइलो भयो ।
कार्यक्रममको प्रमुख अतिथि दुहबी नगरपालिकाका प्रमुख बेद नारायण गच्छदारले सांस्कृतिक पर्वले समाजमा भाइचारा कायम गरेर अगाडी बढने बताए । सौन्दर्यकर्मीहरुले आयोजना गरेको यस्तो कार्यक्रमलाई नगरपालिकाले पनि साथ सहयोग गरेर अगाडी बढने उनको भनाई छ । महिलाहरु चुलोचोकमा मात्रै व्यस्त नभएर त्यसभन्दा अगाडी बढनुपर्नेमा जोड दिए । कार्यक्रममा जिफन्ट युवा कोशी प्रदेशकी अध्यक्ष भली सुब्बाले नाबुनले सामाजिक कामसँगै समाजमा भाइचारा कायम गर्न सांस्कृतिक कार्यक्रम पनि गरेर अगाडी बढने गरेको बताइन् । जितिया पर्वमा यस्तो सांस्कृतिक कार्यक्रमहरुले महिलाहरुको प्रतिभा उजारमा ठूलो सहयोग पुग्ने गरेको उनले बताइन् ।
नाबुन दुहबीको अध्यक्ष चानु माझीको अध्यक्षतामा भएको कार्यक्रमको संचालन नाबुन प्रदेश सदस्य नविना तबदारले संचालन गरेकी थिइन् । कार्यक्रमको विशेष अतिथि दुहबी नगरपालिकाका उद्यम शाखा प्रमुख दिवेश चौधरी, राष्ट्रिय सौन्दर्यकर्मी युनियन नेपाल केन्द्रीय उपमहा सचिब ममता प्रधान,  जिफन्ट महिला कमिटिकी सचिब सायदा तवसुम, नावुन कोशी प्रदेश अध्यक्ष कला डाँगी, प्रदेश कोषाध्यक्ष अमिता पोखरेललगायत रहेका थिए । लुक्नी कम्पनीले सहयोग तथा दुहबी नगरपालिकाको समन्वय गरेको सो कार्यक्रममा स्वागत मन्तब्य निर्मला चौधरीले गरेकी थिइन् ।