विराटनगर । विराटनगर महानगरपालिका स्तरीय अंग्रेजी हिज्जे प्रतियोगिताको उपाधि विराटनगरस्थित मदरल्याण्ड एकाडेमीले जितेको छ ।
प्याब्सन विराटनगरले आयोजना गरेको नगर स्तरीय अंग्रेजी हिज्जे प्रतियोगितामा ३१ विद्यालयहरुलाई पछि पार्दै मदरल्याण्ड एकाडेमीले उपाधि जितेको हो ।

प्रतियोगिताको द्धितीय ग्रिनल्याण्ड स्कुल, तृतीय स्टार बोर्डिङ स्कुल घोषित भयो । प्रतियोगिताको सान्तवना डिपिएस, एभरेष्ट, मोर्डन एरा, गौतम बुद्ध र दर्पण घोषित भएको छ । प्रतियोगितामा विराटनगरका ३२ वटा विद्यालयहरुको सहभागि रहेको कार्यक्रम संयोजक हिरा थापाले जानकारी दिए । प्रतियोगितामा प्रथम, द्धितीय , तृतीय र सान्तवना हुने ८ वटा विद्यालयहरु भदौ २६ गते हुने जिल्ला स्तरीय अंग्रेजी हिज्जे प्रतियोगिताको फाइनलमा भाग लिन पाउने प्याब्सन विराटनगर अध्यक्ष मोहन बुढाथोकीले जानकारी दिए ।

नगरस्तरीय प्रतियोगिताको प्रमुख अतिथि प्याब्सन मोरङका अध्यक्ष प्रेमलालसिंह सुवाल रहेका थिए । उनले विद्यार्थीहरुमा भएको प्रतिभा उजार गर्न प्याब्सनले यस्तो प्रतियोगिता प्रत्येक वर्ष गर्दै आएको बताए । नगर र स्थानीय तहहरुबाट छनौट भएर आएका विद्यालयले भदौ २६ गते हुने जिल्ला स्तरीय प्रतियोगितामा भाग लिन पाउने उनले बताए । कार्यक्रममा प्याब्सन मोरङका कोषाध्यक्ष विष्णु डंगोल, नगरका उपाध्यक्ष अर्जुन श्रेष्ठ, नगरका पुर्व अध्यक्ष इन्द्र राई, नगरका सचिब अशोक लामा, कोषाध्यक्ष नन्दलाल मण्डल रहेका छन् ।