विराटनगर । विराटनगस्थित ग्रेडेड बोर्डिङ स्कुलले श्रीकृष्ण जन्माष्टमीको अवसर पारेर राधाकृष्ण पोशाक प्रतियोगिता आयोजना गरेको छ । सोमबार विद्यालय परिसरमा उक्त प्रतियोगिता आयोजना गरेको हो ।

विद्यालय परिसरमा आयोजित सो प्रतियोगितामा कक्षा एलकेजी र कक्षा जेकेजीबाट कुल ८७ जना बालवालिकाहरुको सहभागिता रहेको थियो । प्रतियोगितामा विद्यालयका बालवालिकाहरु राधा र कृष्णको भेष धारण गरेका थिए ।
कार्यक्रममा विद्यालयमा लाखे नृत्य, मङ्गलधुन, राधाकृष्ण नृत्य तथा राधाकृष्णको भजन पनि विद्यार्थीहरूद्वारा प्रस्तुत गरिएको थियो ।

कक्षा युकेजीबाट राधातर्फ प्रथम आलिया शाह , द्वितीय प्रशिष्का मण्डल , तृतीय एड्रिजा राई घोषित भइन् । कृष्णतर्फ काइरव थापा प्रथम, आर्यन शाह द्वितीय र कपिल राय तृतीय हुन सफल भए।
त्यस्तै एलकेजी तर्फ राधाको भेषभुषामा कामना कार्की प्रथम , परिनिधि कामत द्वितीय, स्वस्तिका अधिकारी तृतीय र कृष्णतर्फ ओजस खरेल प्रथम, सुभम कामत द्वितीय र आरव भुजेलले तृतीय भए ।

प्रतियोगिताको निर्णायकमा नृत्य प्रशिक्षक तथा मेकअप आर्टिस्ट सुशील स्वेच्छा शर्मा रहेका थिए । बिजेता हुने विद्यार्थीहरुलाई प्रमाणपत्र र ट्रफी र सम्पूर्ण सहभागीहरूलाई मायाको चिनो स्वरूप मेडल प्रदान विद्यालयका प्रिन्सिपल प्रेमलाल सिंह सुवालले गरेका थिए ।