विराटनगर । ब्रिज इन्टरनेशनल कन्सलटेन्सीको शाखा कार्यालय विराटनगरमा संचालनमा आएको छ । विराटनगरमा शनिबार एक कार्यक्रम आयोजना गरी उक्त ब्रिज इन्टरनेशनल कन्सलटेन्सी खुलेको हो ।

ब्रिज इन्टरनेशनलको उद्घाटन नेपाल शैक्षिक परामर्श संघ ईकानका अध्यक्ष शेषराज भट्टराईले गरे । यही महिना भित्रमा ब्रिज इन्टरनेशनल कन्सलटेन्सीकोे शाखा नेपालगन्ज, धुलाबारी र काठमाडौमा खुल्नेछ । अहिले देशभरीमा ब्रिज इन्टरनेशनल कन्सलटेन्सीको शाखा ११ वटा रहेको छ । विराटनगरमा खुलेको पालको छैठौं शाखा हो । विदेश जाने विद्यार्थीहरुलाई शैक्षिक परार्मश ब्रिज इन्टरनेशनल कन्सलटेन्सीले बिगत ९ वर्षदेखि दिदै आएको कार्यकारी अध्यक्ष भुवन गिरीले जानकारी दिए । अहिले ७ वटा देशमा विद्यार्थी अध्ययनको लागि पठाउँदै आएको उनले बताए ।

हाल अस्ट्रेलिया, न्युजिल्यान्ड, युके, डनेमार्क, अमेरिका, क्यानडालगायतको देशमा विद्यार्थी जाने गरेका छन् । ब्रिज इन्टरनेशनल कन्सलटेन्सीबाट जाने विद्यार्थीको रोजगारिको सुनिश्चितता गिरदै आएको छ । अहिलेसम्म ब्रिज इन्टरनेशनल कन्सलटेन्सीबाट १० हजार बढी विद्यार्थी विदेश अध्ययनको लागि पठाएको उनले बताए । बढि अस्ट्रेलिया, युके, क्यानडा जाने गरेका छन् । ‘यो बर्षमा ब्रिज इन्टरनेशनल कन्सलटेन्सीको देशभरीमा पाँच शाखा कार्यालयहरु खुलेको छ । बिद्यार्थी लाई हामी अतिरिक्त सुविधा दिने गरिएको छ । उनीहरुलाई पिकअपदेखि सम्पूर्ण सुविधा दिने गरेका छन् । ट्राभल्स काड देखि रोजगारिको लागि सहयोग गरिन्छ,’ उनले भने ।
कार्यक्रममा बोल्दै नेपाल शैक्षिक परामर्श संघ ईकानका अध्यक्ष शेषराज भट्टराईले विद्यार्थीलाई राम्रो शैक्षिक परार्मश दिनको लागि ब्रिज इन्टरनेशनल कन्सलटेन्सीको भूमिका ठूलो रहेको बताए । सहि तरिकाले परामर्श दिएर विद्यार्थीलाई अगाडी बढनुपर्ने उनले बताए ।
कार्यक्रममा हिसानका केन्द्रीय उपाध्यक्ष भेषराज पोखरेल, मेरील्याण्ड कलेजका प्रिन्पिसल लक्ष्मण ढकाल, शिक्षादीपक कलेजका व्यवस्थापन संकायका प्रमुख शैलेन्द्र सिवाकोटीलगायतको उपस्थिती रहेको थियो ।
सोही अवसरमा चर्चित गायक हिमाल सागरले आफ्नो चर्चित गीतहरु प्रस्तुत गरी सहभागि भएका विद्यार्थीहरुलाई मनोरञ्जन प्रदान गरे ।